Euskal Herriko Unibertsitateak (UPV/EHU) Kirolaren Kudeaketako Etengabeko Prestakuntzako Masterraren hirugarren edizioa jarriko du abian datorren 2024-25 ikasturtean.

50 plaza eskaintzen dira Masterrerako. 2024ko urritik 2025eko ekainera bitartean emango da, aurrez aurre, UPV/EHUko Ekonomia eta Enpresa Fakultatean (Elkano atala, Bilbo).

Ezaugarri nagusiak honako hauek dira:

  • Euskal Herriko eta inguruetako prestakuntza eskaintzan ez dago arlo honetan beste masterrik.
  • Oinarri bikoitza du: akademikoa (Ekonomia eta Enpresa Fakultatea eta Hezkuntza eta Kirol Fakultatea) eta profesionala (Emtesport, sektoreko euskal enpresa, kirol kudeaketan liderra).
  • Prestakuntza erakargarria eta beharrezkoa kirol kudeaketarako.
  • Ikasketa plana berritzailea eta malgua da, eta goi mailako kanpoko profesionalak biltzen ditu.

Honako estekan AURREKO IZEN-EMATEA egin daiteke.

Xehetasun gehiago HEMEN.